Articoli
Nuvissa
Ti plovevis
coma 'l flôu dal sanbuc
meil tarsa
e savalôn sut
caressat da l'aria.
Ti eris nuvissa tal sun
blancia
cialsina in font l'aga.
E la zent a ti segnava
a segnava il to profìl
di gota ta l'erba
i to vui di sizila ch'a siga
tal svuâl.
Nossis di curtìf
di ciars cun ramassis
di polver parsora la croma
tal bal.
Nossis di vôus rossis.
Doma nu no si parlavin
doma un serciassi tai vui
un savêi
ch'a l'è par sempri.
Doma spetà il rûvit
il fres'c dai nissôi
d'indurmidissi vissins
cun gust di furmint
ta la bocia.
SILVIO ORNELLA
Leggi tutto...