Articoli
Canson dai frus
ch'a s'indurmidissin
I frus s'indurmidissin coma 'na volta
cuànt che 'l mont a ghi sùia intòr.
E no crodìn l'ora
par iòdiu e slungiassi vissìn
par fa altri frus cul sen
di musis di fras'cia
e intorgolassi coma fasòi
su pai stecs dal vivi.
Par sinti la piel lissa fissa
di cartòfula giavada a la lus
e 'l madùr dal sucòu platàt
che la to man a induvina
sot la fuèra rùspia e largia.
Luna in cressi col di luna.
E a suna ta la gorna il timp da l'aga
il nustri di frus invecìs
chi voressin s'ciampà epùr restàn
sals parsora li scussadis
e si serciàn
cuant che 'l mont a ni si sùia intòr.
ORNELLA SILVIO
Leggi tutto...